Kystverket har i samarbeid med kystverkmusea i Noreg starta eit arbeid med å dokumentere kva kysten og Kystverket har hatt å bety for utviklinga av landet, melder avisa Vikebladet Vestposten i Ulsteinvik.

Dette prosjektet skal vere ferdig til 200 årsmarkeringa av Noreg som eigen nasjon. Roald Sporstøl er prosjektleiar for arbeidet på Sunnmøre.

Frode Pilskog frå Fyrmuseet i Dalsfjorden og Håvard Haraldson Hatløy ved Herøy Kystmuseum vil fredag kveld orientere om dette arbeidet i Bygderadio Vest, lokalradio for Søre Sunnmøre.

På Sunnmøre er det Flåværleia som skal dokumenterast, saman med fire andre losområde mellom Lindesnes og Finnmarkskysten.